أغنية البُلبُل................تأليف: سليم محمد غضبان

أغنية البُلبُل


هدّى البُلبل ع الرُّمان
و قالها: يا( خضرة) وينـِك
جايبلك أحلى أنغام
بغنّيها كرمال عينِك



قالتلو: شو هالطلِة
المرَّة طوّلت الغيبة
قالها: جاي من بعيد
أرض الياسمين و الفلِّ
قالتلو: هيدي فْلسطين
أرض جدودي الميامين
و ما ينساها طول العُمر
رغم انوف الملاعين


غنّى البلبل لخضرة
و خبّرها كل خبارُه
و تعوّد عزيارتها
صارت الدار دارُه


هدّى البلبل ع الرّمان
و قالها: يا خضرة وينِك
جايبلك أحلى أنغام
بغنّيها كرمال عينِك


أغنية البُلبُل

٣-١١- ٢٠١٧